Дуа на лакском языке

Шавату увккун нанисса чIумал учайссар:

«Бисмиллягьи, таваккальту аьля Ллагь ва ля хIавля ва ля кьуввата илля биллягь».

بِسْمِ اللهِ، تَوَكَّلْتُ عَلى للهِ، وَلاَ حَوْلَ وَلَا قُوَّةَ اِلَّا بِاللهِ

Мяъна: «Аллагьнал цIанищал. На Аллагьнайн таваккал бутав, цимурца кьувват ва гуж так Аллагьнаятури».

Нюжмар чаклил хъирив ва дуаь дурккуну хъинссар

«Аллагьумма я гъаниййю, я хIамиду, я мубдиу, я муэду, я рахIиму, я вадуду. Агънина бихIалалика аьн хIарамика ва битIааьтика аьн мяъсиятика ва бифазлика аьмман сивака».

اَللَّهُمَّ يَا غَنِيُّ يَا حَمِيدُ يَا مُبْدِئُ يَا مُعِيدُ يَا رَحِيمُ يَا وَدُودُ، أَغْنِنَا بِحَلَالِكَ عَنْ حَرَامِكَ وَبِطَاعَتِكَ عَنْ مَعْصِيَتِكَ وَبِفَضْلِكَ عَمَّنْ سِوَاكَ

Мяъна: «Я Аллагь, ссавучIав мюхтаж Къашайма, Цах гьарзад мюхтажма, Я цIа дуван лайкьма, гьарзад ляхъан дурма, ливтIумий уттава байма, РахIму бума, Вила лагъарт ххирама! Жу авадан бува хIалалсса хъус дуллуну, хIараммуния арх бувну, бунагь буваврия буручча, Винма мютIий хьун бувну, Вилва цIимилийну щихчIав мюхтаж бакъамийну хьун бува».

Базаллувун бухлахисса чIумал учайссар

«Ла илагьа иллаЛлагьу вахIдагьу ла шарика лагьу, лагьуль мульку ва лагьуль хIамду юхIйи ва юмиту ва гьува хIаййюн ла ямуту биядигьи-ль-хайру ва гьува аьла кулли шай-ин кьадир».

لَا اِلَهَ اِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ يُحْيِى وَيُمِيتُ وَهُوَ حَيٌّ لَا يَمُوتُ بِيَدِهِ الْخَيْرُ وَهُوَ عَلَى كُلِّ شَيْءٍ قَدِيرٌ

Мяъна: «Аллагь акъа цама зал акъассар, Ца цувалуссар, гьалмахчу, кумагчи акъассар. Гьарца задрал Заллури, Цайнни щукру ва цIа даву. Уттава буваймагу, литIун буваймагу Аллагьри. Аллагь мудан Уттавассар, тачIав къаивчIайссар, хъиншивуртту Цахь думари, гьарзадрал ялув Кьудрат думагу Аллагьри».

Мажлисрава, халкь бавтIсса кIанттава бивзукун увкуну хъинссар

«СубхIанака-Ллагьумма ва бихIамдика ашгьаду алла илагьа илла анта астагъфирука ва атубу илайка».

سُبْحَنَكَ اَللَّهُمَّ وَبِحَمْدِكَ، أَشْهَدُ أَنْ لَا اِلَهَ اِلَّا أَنْتَ أَسْتَغْفِرُكَ وَأَتُوبُ اِلَيْكَ

Мяъна: «Я Аллагь! Ина марцIссара Вил Хъуншиврун лайкь дакъасса диялдакъашивурттая. Вийнни щукру, на барашинна дуллай ура Ина акъа цама зал акъашиву. На чIа тIий ура ттулва бунагьру шюшаву, бувсса бунагьирттая пашманну Вил хьхьичI тавба дуллай ура».