Питайтесь правильно

Завещания пророка Мухаммада [саллаллагьу алейгьи ва саллям]

Жунма кIулли цIанасса заманнай цаппара Идавсил [саллаллагьу алейгьи ва саллям] хIадисирттаву ва Кьуръандалул аятирттаву бувсмунил хъирив наука дахьва лаллай бушиву.

МухIаммад Идавс [саллаллагьу алейгьи ва саллям] Мадиналив изаннин гикку диркIссар гужсса азар хьуну чIявусса халкь литIлай. Гьижра бувну махъ гиккун увкIсса Идавсин [саллаллагьу алейгьи ва саллям] хIисав хьуссар Мадиналул аьрщарай хъинну чIярусса кIунцIуллив (болото) бушиву.

Мунан бувчIуссар гьарца шинал туршахъул инсан оьрмулуцIа уллалисса азарданул сававгу ми кIунцIуллив ва миннул цIанийсса атилшиву душиву. Мунияр махъ, Идавсил [саллаллагьу алейгьи ва саллям] амрулийну Мадиналив 30 000 чассаграл мурхь бувгьуссар, аьрщараву хъатру чан дуваншиврул. Идавсил [саллаллагьу алейгьи ва саллям] бувсса аманатругу биттур булларча, жувагу къашай кахъанантIиссару, ин ша Аллагь.

Дукия дукаврил хIакъираву увкуну бур:

• Лахъи ларгсса дукра мадукари,
• Хъиннура кIирисса ягу хъиннура дяркъусса дукра мадукари,
• Анавар къабувккун, ххуйну ккурхIуну дукияра,
• Дукра дуканнингу дуркуну махъгу кару шюшияра,
• Буччиннин, хъинну лякьа дуцIиннин дукра мадукари,
• Дукра канакисса чIумал чIярусса щин махIачIари,
• КIинттул кIусса, аьгъусса дукра дукияра, гъинттул – куклусса, ахъулсса, ахънилсса хIаласса дукияра,
• Гуж бучIан буваншиврул къюмай тIутIи, чассаг, зайтун мурхьирал ахъулсса (оливки) дукияра,
• Гуж багьсса, хъинну бувхсса чIумал нацIушиву дукияра,
• Дукра дукан ягу щин хIачIан хъя кусса, гъаргъсса тIахIни ишла мадувари,
• Бюхъавай мудан цара-ца дукра мадукаванни,
• Чурх бигьа лаганшиврул, зуруй ца кьинирагу зума дугьияра,
• НицI дулукияра, му азарда цIуцIаврил даруври.

Ххуйну пикри буварча, вай аманатирттаву куртIсса мяъна душиву чIалай бур, цанчирча, цIанасса чIумал медициналулгу кIай кIицI ларгсса задру хъинсса душиву тасттикь буллай бунутIий.